Galdera bankua
Ikastaroko galdera-bankua galderak sortu edo editatzeko erabil dezakezu.
Galdera horiek ikastaroko edozein galdetegi edo ikasgaitan erabil daitezke.
Irakaslea galdera-bankuan bi modutara sar daiteke: a) zuzenean kudeaketa blokeko “Galderak” estekatik edo b) galdetegia sortu edo editatzerakoan ezarpenak finkatu ondoren Moodlek galdera-bankura eramaten gaitu.
Galdera-bankuan sartzerakoan 4 leihatila agertzen zaizkigu:
Kategoria aukeratu
Kategoriaka daude antolatuta galderak. Hasieran ikastaro bakotizak "Default" izeneko kategoria bakarra du. Ohitura ona da galderak antolatzeko kategoria gehiago sortzea. Kategoria ierarkia ere sor dezakezu; izan ere, kategoria nagusian azpikategoriak ere sor ditzakezu. Kategoriak gehitu edo editatzeko sakatu Kategoriak leihatila.
Galderen edizio-pantailak orain aukeratutako kategoriako galderak erakusten ditu. Zabaltzen den Kategoriamenuan kategoria aukera dezakezu. Menuaren azpiko egiaztatze-laukitxoa erabilita azpikategoria guztietako galderak ere erakutsiko diren zehaztuko duzu.
Galdera berria gehitu
- Zabaltzen den Galderak izeneko menuan zaudela, aukera ezazu zein kategoriatan gehitu nahi duzun galdera.
- Kategoriaren beheko aldean galdera sortzeko blokea azalduko da.
- Zabaltzen den Galdera berria sortu menuan galdera-mota aukeratu behar duzu.
- Bete ezazu sortu nahi duzun galdera-motari dagokion formularioa
- Formulario-amaierako Aldaketak gorde sakatu.
Galdera-mota bakoitzak berezko formatua eta aukera bereziak ditu.